Саяхан найздаа туслах үүднээс шинэ компаний нэр бодож олох хэрэгтэй боллоо. Тэгээд л зарим нэг томоохон нэрд гарсан компаниудийн нэрийг сонирхлоо. Google гэх нэрний талаар харлаа.10-ийн 100 зэрэгтийг Googol гэдэг, харин 10-ийн googol зэрэгтийг Googolplex гэдэг юм байна. Тэгэхээр Googol-ийг Google болгосон юм болуу эсвэл Googolplex-ийг Google болгосон юм болуу. Энэ 2 хувилбарын нэг нь байх гэж таамаглав. Ерөнхийдөө л маш их тоог илэрхийлсэн бололтой.
Харин манайхан 10-ийн 68 зэрэгт хавьцаагаар илэрхийлэгдэх Сэтгэшгүй, Тоолошгүй .. гэх мэт маш урт тоог нэрлэсэн байдаг. Юутай ч манайхан дэлхийд хамгийн их тоог нэрлээгүй бололтой. Урьд нь бид нар шиг олон оронтой тоог мэддэг,нэрлэдэг ард түмэн байхгүй мэтээр ойлгож явсан маань эндүүрэл болжээ гэдгийг мэдлээ.
